Përfundon ndërtimi i Qendrës së re të Zhvillimit të Turizmit në Valbonë (FOTOT)
Fondi Shqiptar i Zhvillimit informon se në Qendrën e Zhvillimit të Turizmit në Valbonë po kryhen punimet e fundit dhe objekti është gati për të mirëpritur turistë vendas dhe të huaj.
“Gjatë kësaj periudhe janë zhvilluar punime në sistemimin e jashtëm të dherave për gjelbërim si dhe ka vazhduar shtresa me rrasa guri për rrugicat lidhëse. Ndërkohë kanë përfunduar procese si ndriçimi i jashtëm dhe montimi i pajisjeve elektrike për të, rehabilitimi i tavolinave verore si dhe hapësira dedikuar për parkimin e automjeteve.
Në anën lindore gjithashtu është kryer rrethimi i jashtëm me konstruksion metalik.Turizmi malor është elementi bazë që mban të gjithë veprimtarinë e zonës. Terrene dhe atraksione të reja ende për tu eksploruar.
Duke nxitur kështu aventurat turistike si dhe iniciativat vendase, për të ofruar kushte dhe shërbime dinjitoze, në prezantimin e zonës” shkruhet në njoftimin e FSHZH-së.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.