Përfundon ndërtimi i restorantit më të madh nënujor…dhe ndodhet në Europë (FOTOT)

I pari, më i madhi dhe më i frytshmi për kërkime shkencore, ‘Under’, është restoranti më i madh nënujor në botë me një kapacitet total prej 100 vetash. Ai është i pari i këtij lloji në Europë, dhe funksionon gjithashtu edhe si një qendër kërkimore për jetën detare. Përvoja kulinare ka filluar të funksionojë së fundmi duke e kthyer Norvegjinë në një nga destinacionit më interesante për turistët.

Në Norvegjisht, “Under” do të thotë edhe “poshtë” dhe “çudi”. Gjysmë e fundosur në det, forma monolitike e gjatë e ndërtesës 111 metra depërton sipërfaqen e ujit për të pushuar më pas në shtratin e detit më në thellësi. Për më tepër, struktura e saj është e ndërtuar posaçërisht që të mund të integrohet plotësisht në mjedisin detar, pasi vrazhdësia e guaskës së betonit funksionon si një gumë artificiale, duke mirëpritur gunga dhe leshterikë për ta banuar atë.

Muret e trasha të betonit lejojnë që ajo t’i rezistojë presionit dhe tronditjes nga goditjet e detit dhe, si një periskop i mbytur, dritarja masive panoramike e restorantit ofron një pamje madhështore detare, pasi ndryshon gjatë gjithë stinëve dhe kushteve të ndryshme të motit.

“’Under’ është një progresion natyror i eksperimentimit tonë me kufijtë,” tha Kjetil Trædal Thorsen, themelues dhe arkitekt i Snøhetta. “Si një pikë referimi e re për Norvegjinë jugore, Under ofron kombinime të papritura të përemrave dhe parafjalëve, dhe sfidon atë që përcakton vendosjen fizike të një personi në mjedisin e tij.” (designyoutrust)

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.