Përfundon shtrimi me asfalt në dy segmente – Përfitojnë 200 mijë banorë, shkurtohet në 2 orë distanca me Tiranën
Ka përfunduar shtrimi me asfalt i segmenteve Dragot – Kozarë – Kuçovë – Ura Vajgurore dhe Cërrik – Belsh – Grekan. Këto segmente janë pjesë e rrugës Cërrik – Belsh – Kuçovë – Ura Vajgurore, 37 kilometra që lidh qarqet e Elbasanit dhe Beratit dhe shkurton në 2 orë distancën me Tiranën.
Brenda javëve të ardhshme do të fillojë puna për vendosjen e sinjalistikës vertikale dhe horizontale. Rruga është një investim i qeverisë shqiptare që zbatohet nga Fondi Shqiptar i Zhvillimit në kuadër të programit “Rehabilitimi i Segmenteve Rrugore Prioritare”.
Janë rreth 200 mijë banorë që përfitojnë drejtpërdrejt nga investimi, që krijon mundësi të reja për zhvillimin ekonomik dhe social të të gjithë zonës.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.