“Përgjysmimi i tarifës vetëm për këtë vit”, Rama në Vlorë: Vitin tjetër, tarifa në bazë të notës
Kryeministri Edi Rama ndodhen në Vlorë në universitetin “Ismail Qemali” për të vazhduar “turin” për të dialoguar me pedagogët dhe studentët, pasi këta të fundit në rang vendi ndodhen prej 15 ditësh në protestë.
Takimi nisi me kundërshtime, ku një pjesë e studentëve dolën jashtë auditorit, ndërsa pjesa tjetër ngritën një sërë problematikash, përpos 8 kërkesave.
Kryeministri Rama u ndal të përgjysmimi i tarifës, ku qartësojë edhe njëherë si do funksionojë. Sipas kreut të qeverisë përgjysmimi i tarifës për të gjithë studentët do të jetë vetëm ketë vit akademik. Ndërsa vitin tjetër do të funksionojë sipas notave.
“Jam shumë dakord që tarifa do të subvencionohet nga shteti. Nuk do ulet se ka kosto. Taksapaguesit e këtij vendi paguajnë 75 % e kostos tuaj si studentë. Kur themi kushte më të mira, duhen para. Shteti do paguajë. Në fillim po, do jetë edhe për ta me 4, do paguajë shteti gjysmën e tarifës, nga janari.
Në janar, për ketë vit akademik, gjysmën e tarifës do ta paguajë shteti. Dhe shteti nuk është qeveria. Është buxheti i shtetit.
Vitin tjetër do rishikojmë sistemin akademik. Në fazën e pare qeveria po iu jep një start për të gjithë. Vitin tjetër askush nuk do marr qyl. Në mendojmë, ata me 9-10 bursë e plotë, 7-8, 75 për qind, 6-7 50 për qind. Ata me 4-5 të bëjnë si të dine vetë. Këto vlejnë për vitin tjetër akademik. Ata që kërkojnë plotësimin e pikave pa dialog, ta harrojë që marri atë që kërkon. Qeveria nuk është dyqan”.
Ky është takimi i tretë që kryeministri bën më studentët dhe pedagogët, pas takimit me fakultetin e Gjeologjikut dhe Universitetin Bujqësor të Tiranës.
E.Z/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.