Përkeqësohet moti – Pothuajse në të gjitha qarqet shi, intensive në Vlorë e Gjirokastër
Nga pasditja e kësaj të shtune e deri ditën e djelë në shumicën e qarqeve pritet të përfshihen nga reshjet mesatare të shiut, ndërsa në Vlorë e Gjirokastër parashikohen reshje intensive, ç’ka përbëjnë rrezik për përmbytje.
Nga llogaritjet hidrologjike të IGJEUM, rezulton se lumenjtë në të gjithë territorin do të kenë tendencë për rritje të prurjeve dhe niveleve përgjatë ditëve në vazhdim. Rritja më e ndjeshme do të vërehet në lumenjtë jugorë përgjatë datave 26 dhe 27 Shkurt.
Sipas të dhënave të Institutit të Gjeoshkencave do të ketë edhe reshje dëbore në 300 metra mbi nivelin e detit, por në Veri në zona të kufizuara edhe më poshtë se ky nivel.
Gjithashtu sipas IGJEUM përgjatë fillimit të javës tjetër reshje dëbore mund të shfaqen edhe në zonat e ulëta fushore dhe ato bregdetare (por, mundësi më e lartë për qarqet Shkodër dhe Lezhë).
TEMPERATURAT
Nesër (e diel, dt.25) temperaturat minimale dhe maksimale të ajrit pritet të arrijnë:
në bregdet: 11 / 13
në vendet e ulëta: 5 / 12
në vendet malore: -4 / 10 °C.
ERA
Sot pasdite (e shtunë, dt.24) dhe nesër (e diel, dt.25) era pritet të fryjë e lehtë, ndërsa në bregdet deri mesatare.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.