Përmbytjet në Fier dhe Vlorë – Rama: Pasojat mund të ishin më të rënda, investimet minimizuan dëmet
Dëmet e shkaktuara si pasojë e daljes nga shtrati të Lumit Vjosa, ku u përmbytën qindra shtëpi dhe hektarë tokë në Fier dhe Vlorë janë cilësuar nga Kryeministri Edi Rama, si pasoja minimale në raport me pritshmëritë, nëse nuk do të ishin bërë investimet e nevojshme vitet e fundit.
Rama vizitoi grykëderdhjen e Vjosës ku la porosi që të ndërhyhet në përmirësimin e argjinaturës dhe në pikat e domosdoshme me qëllim minimizimin e përmbytjeve.
Nga ana tjetër Ministrja e Bujqësisë, bëri me dije se vetëm këtë vit janë investuar 700 milionë lekë në kullim dhe ujitje.
Dy ditë më parë, lumi Vjosë çau argjinaturën duke përmbytur shtëpi në fshatrat përreth. Situata më e rëndë ishte në Novoselë dhe Ferras, ndërsa u vlerësua se niveli i lumit arriti në 8 metra.
Elisabeta Dosku / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.