Përmbytjet nga reshjet  – Marku: Kjo javë sjell normalizim të situatës

Largohet rreziku nga përmbytjet ditët e ardhshme. Hidrometeorologu, Metodi Marku  deklaroi për televizionin SCAN se kjo javë do të sjellë normalizim të situatës  përmes pakësimit të reshjeve të cilat ditët që lamë pas  kanë shkaktuar jo pak dëme  materiale  për shumë familje në zona të ndryshme.

“Në ditët e ardhshme do të vijojë përmirësimi i cili ka filluar siç e thamë ka filluar që gjatë natës së kaluar. Kjo falë faktit jo vetëm të pakësimit të reshjeve, por madje do të thoja që nesër e deri të premten, në vija të përgjithshme do të thoja, presim që të mos kemi reshje. Por duhet të jemi sërish të kujdesshëm për arsye se gjatë pasdites së sotme, por edhe në fundjavë ka probabilitet për rikthim të reshjeve.”

Por Marku nuk përjashtoi mundësinë  e rikthimit  të   kësaj situate   duke nënvizuar se karakteristikë  e reshjeve të fundit  ishte intensiteti i lartë kryesisht në zonën qendrore dhe jugore  duke  bërë apel për masa të shtuara  në këto zona .

Nertila Doko/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.