Përmirësimi i klimës së biznesit – Këshilli i Ministrave nuk dërgon përfaqësi në komision për të mbrojtur propozimet e tij
Në një kohë kur sytë janë të drejtuar nga politikat për nxitjen e punësimit dhe lehtësimin e proceduarve administrative për biznesin, qeveria nuk dërgon përfaqësues për shqyrtimin e projektligjit në komisionet parlamentare.
Komisioni i Shëndetësisë dhe i Çështjeve Sociale nuk ka pranuar të shqyrtojë projektligjin për nxitjen e punësimit duke qenë se nuk ka patur përfaqësues nga Këshilli i Ministrave.
Me miratimin e këtij projektligji synohet që të reduktohen barrierat administrative she të liberalizohet tregu. Në të njëjtën kohë biznesi do të ketë lehtësim të procedurave dhe dokumentacionit për licencim si dhe reduktim të kohës dhe kostos së licencimit.
Ky projektligj i propozuar nga Këshilli i Ministrave ka si qëllim që të përmirësojë më tej klimën e biznesit.
Entela Barjamaj/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.