Përplasje brenda Volkswagen – Marka gjermane përpiqet të ulë konkurrencën nga Skoda

Manaxherët e Volkswagen po përpiqen të ulin konkurrencën nga marka loë-cost Skoda, duke zhvendosur një pjesë të prodhimit në Gjermani dhe duke bërë markën Çeke që të paguajë më shumë për teknologjinë e përbashkët.

Ndërkohë që Volkswagen ndodhet në vështirësi nga shkurtimi i vendeve të punës dhe shpenzimeve në fabrikat gjermane, ndërsa mbyll episodin e Dieselgate, vlerësimet pozitive të automjeteve Sokda dhe përfitueshmeria e markës ka thelluar rivalitetin e tyre brenda “perandorisë” Volkswagen.

Prodhuesi gjerman kërkon të reduktojë tashmë avantazhet e padrejta të Skoda, që kombinon teknologjinë gjermane me kosto të lirë të punës, përpara nisjes së prodhimit në masë të makinave elektrike.

Përplasja mes Volkswagen dhe Skoda po risjell tensione te grupi gjerman, mbi kontrollin qendror dhe autonominë për 12 markat e automjeteve.

“Në vend që të përpiqemi të mposhtim Tesla, ne po shkojmë drejt një konflikti të brendshëm”, tha një prej manaxherëve të Volkswagen. Skoda ka patur performancë fantastike në 26 vitet nën zotërimin e grupit Volkswagen, duke u kthyer në një prodhues të suksesshëm dhe fituar daj rivalëve.

Fitimi operacional i Skoda arriti në 1.2 miliardë euro në 2016-ën, më një marzh fitimi prej 8.7%, duke kaluar të gjithë markat brenda Volkswagen përveç Porsche.

Vokswagen po përballet me shkurtime në vendet e punës për të ulur kapacitetin e tepërt në fabrikat gjermane dhe sindikatat e forta të brendshme e shohin suksesin e Skoda si një kërcënim.

Përfaqësuesit e punonjësve të Volkswagen po kërkojnë tashmë transferimin e prodhimit të Skoda në fabrikat Gjermane ku nuk shfrytëzohet kapaciteti. Propozimi synon të kompensojë rënien e prodhimit të modelit Passat dhe Golf.

Ata po kërkojnë gjithashtu që Skoda të paguajë më shumë për të përdorur platformën e përbashkët të grupit gjerman.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.