Perspektiva botërore e kafesë. Pritet një defiçit prej 10.7 mln thasë gjatë sezonit prej rënies në Brazil
Firmat e ndërmjetësimit të kafesë, bënë të ditur se pritet një deficit prej 10.7 milionë thasë në sezonin 2021-22, nxitur nga rënia e madhe e prodhimit në Brazil. Sipas raportit të Marex, inspektimet e fundit në terren kanë vërtetuar dëmin tek të korrat arabike të Brazilit.
Pavarësisht se reshjet kanë qenë pranë normalitetit, humbjet gjatë sezonit të kaluar janë të pakthyeshme. Marex projekton se kafeja arabike e Braziliane pritet të bjerë në 32.8 milionë thasë, nga 50 milionë që ishte në sezonin e mëparshëm. Rënia reflekton pjesërisht një vit të ngadaltë në ciklin dyvjeçar të të korrave arabike në vend. Bilanci botëror përbëhet nga një defiçit prej 12.1 milionë thasë të kafesë arabike, pjesërisht të kompensuar nga një sufiçit prej 1.4 milionë thasë të kafesë robusta.
Të korrat robusta të Brazilit projektohen në rritje në 20.8 milionë thasë nga sezoni i kaluar prej 19 milionë.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.