Perspektiva mbi tregtinë, OBT: Vrulli pritet të vazhdojë të ngadalësohet në tremujorin e tretë
Tregtia pritet të vazhdojë ngadalësimin në tremujorin e tretë të këtij viti, sipas treguesit mbi perspektivën të Organizatës Botërore të Tregtisë.
Treguesi i fundit mbi perspektivën botërore të tregtisë (WTOI) rezultoi në 100.3, poshtë vlerës së mëparshme prej 101.8 dhe sipër nivelit bazë të indeksit prej 100 pikë.
Kjo tregon për një ngadalësim të tregtisë në muajt e ardhshëm, sipas Organizatës Botërore të Tregtisë.
“Kjo humbje e vrullit reflekton dobësime në komponentët e indeksit përfshirë porositë për eksporte si dhe prodhimin dhe shitjet e automjeteve, që mund të vijnë prej konflikteve tregtare”, deklaroi Organizata.
Ngadalësimi i treguesit të përgjithshëm mbi perspektivën erdhi kryesisht prej porosive të eksporteve, që kanë rënë në mënyrë të qëndrueshme gjatë vitit si dhe prodhimit dhe shitjes së automjeteve, që kanë treguar rritje poshtë trendit.
Komponentët e transportit ajror dhe kapacitetit të zënë në porte, qëndrojnë sipër trendit, por vrulli për secilën është ngadalësuar lehtë.
Komponenti i pajisjeve elektronike qëndroi gjithashtu sipër trendit, ndërsa materialet bazë bujqësore kanë mbetur të qëndrueshme.
Indeksi i Perspektivës së Tregtisë Botërore ofron udhëzime mbi rritjen e tregtisë në të ardhmen e afërt, duke përmbushur statistikat dhe projeksionet mbi tregtinë.
Niveli prej 100 pikë tregon rritje të tregtisë në linjë me trendin afat-mesëm; sipër 100 pikëve sugjeron rritje sipër trendit, ndërsa poshtë 100-ës, të kundërtën.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.