Pesë koncesione në gjykatë – Ministria e Energjisë padit kompanitë që s’kanë respektuar kontratat

Të paktën 5 hidrocentrale të dhëna me koncesion kanë përfunduar në gjykatë për shkak të zvarritjes së investimeve dhe mosrespektimit të kontratave për nisjen e prodhimit.

TV Scan ka zbardhur paditë e Ministrisë së Energjisë ndaj kompanive koncesionare, për t’u vjelë atyre detyrimet e krijuara në bazë të kontratave. Kompanitë koncesionare nuk kanë nisur prodhimin e energjisë në momentin e përcaktuar në kontrata.

Shkak për të cilin, në pjesën më të madhe të padive, Ministria ka kërkuar që koncesionari të paguajë penalitetin në masën 5% të vlerës së prodhimit të parealizuar për vitin 2011 dhe vitin 2012.

Ato janë kompanitë Ekobeton dhe Rei Energji, kompania koncesionare Ansara, kompanitë Korsel dhe Erma. Të njëjtin fatë kanë pasur edhe kompanitë koncesionare të Hidrocentraleve të Bishnicës dhe të Tervollit.

Ndërkohë që një tjetër koncesion, ai  hidrocentraleve të Lunikut në Librazhd, gjendet në gjykatë pasi kompania kërkon shfuqizimin e vendimit të Ministrisë së Energjisë për prishjen e kontratës koncesionare.

Lorenc Rabeta/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.