Peshku i pazakontë me pamje monstruoze del në bregun e një plazhi publik
Një peshk i pazakontë me dhëmbë aq të mprehtë sa qelqi dhe një trup të formuar si një top futbolli doli në breg në një plazh të Kalifornisë javën e kaluar.
Krijesa me ngjyrë të zezë me gojën e saj të hapur doli në rërën e bregut të Zonës së Mbrojtur Detare të Crystal Cove State Park në Laguna Beach të Premten e kaluar. Parku ndau imazhe të peshkut në mediat sociale dhe e identifikoi atë si Peshkun Futboll të Paqësorit.
Peshku Futboll i Paqësorit është një nga më shumë se 200 lloje të peshqve angler në të gjithë botën, sipas California State Parks, dhe normalisht gjendet në thellësitë e errëta të oqeanit. Dhëmbët e krijesës janë të mprehtë dhe me majë si copëza qelqi dhe “goja e tyre e madhe është e aftë të thithë dhe të gëlltisë gjahun me madhësinë e trupit të tyre”.
Për shkak të madhësisë së krijesës dhe kërcellit të dalë në majë të kokës, California State Parks tha se kjo është një femër.
Ata shtuan se femrat mund të rriten në gjatësi prej 60 cm ndërsa meshkujt rriten vetëm rreth 2 cm të gjatë. Qëllimi i vetëm i peshkut mashkull është të ndihmojë një femër të riprodhohet, lexon postimi.
Trupi i peshkut po mbahet nga Departamenti i Peshkut dhe Kafshëve të Egra të Kalifornisë, sipas bashkëpunëtorit të CNN KFSN. Ai pritet të studiohet për qëllime kërkimore dhe edukative. (CNN)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.