Pezullimi i përkohshëm në bregdet, Gjonaj: Kemi nisur reformën e pronave, verifikim i të gjithë titujve të pronësisë
Vendimi i Këshillit të Ministrave për pezullimin e përkohshëm të regjistrimit të titujve të pronësisë, për ministren e Drejtësisë Etilda Gjonaj është fillimi i një reforme të thellë në sektorin e pronave. Gjonaj garantojë se nga ky vendim nuk do të cenohet e drejta e pronarëve të ligjshëm.
“Dëshirojë të sigurojë të gjithë pronarët e ligjshëm të tokave në bregdet për pacenueshmërinë e të drejtave e tyre të pronësisë dhe të adresojë shqetësimet e tyre lidhur me këtë vendimmarrje. Ky vendim i qeverisë synon që të bllokojë të gjithë ata që kanë abuzuar me pronat dhe i kanë tjetërsuar ato në mënyrë të paligjshme, por asnjë mënyrë nuk preket të drejtat e ligjshme të pronarëve”.
Gjonaj tha se ky vendim u mor nga qeveria pas rasteve të shumta të abuzimeve me pronat në bregedet, që janë bërë publike kohët e fundit.
“Vendimi i Këshillit të Ministrave për pezullimin e përkohshme të procedurave të kalimit në pronësi të përfituesve të tokës bujqësore, të ish ndërmarrjeve bujqësorë dhe të regjistrimit të akteve të marrjes së tokës në pronësi ka ardhur si pasojë e një situate të jashtëzakonshme abuzimesh në bregdet. Janë ndarë duke u konsideruar si toka bujqësore, zona e rërës së plazheve, zona e bregut pyjor të plazheve, janë ndarë kënetat, janë ndarë ligatinat dhe moçalet e ultësirës. Janë ndërruar zërat e kadastrave, duke kthyer tokat e pafrytshme në toka bujqësore”.
Ministrja tha se vendimi do të bëjë një verifikim të imtësishëm.
“Vendimi i këshillit të ministrave parashikon pezullimin e lëshimit, regjistrimit apo provave të dhëna në hipotekë, deri te verifikimi në verifikimin e titujve të lëshuar. Ky vendim nuk ka si qëllim të bllokojë pronarët e ligjshëm, por vetëm grabitësit e tokës dhe abuzuesit e ligjit. Ky vendim do të çojë para ligjit të gjithë abuzuesit dhe shkelësit e ligjit”.
E.Z/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.