“Pfizer dhe Moderna në vend të J&J”/CDC bën rekomandimin pas rasteve të rralla të mpiksjes së gjakut
Qendra për Kontrollin dhe Parandalimin e Sëmundjeve rekomandoi vaksinat e Pfizer dhe Moderna mbi Johnson & Johnson për të rriturit, pasi zbuloi se dhjetëra njerëz kanë zhvilluar një sëmundje të rrallë të gjakut pas vaksinimit me J&J. Të gjithë këto pacientë u shtruan në spital dhe 9 vdiqën.
Agjencia ka konfirmuar 54 raste me njerëz që kanë zhvilluar mpiksje të gjaktu dhe nivel të ulët të trombociteve në gjak, një sëmundje që quhet trompozë me sindromën e trombocitopenisë apo TTS, që ndikon kryesisht gratë e reja. Prej këtyre rasteve, 36 ishin në njësi të kujdesit intensiv.
Në një deklaratë, agjencia theksoi se SHBA ka një ofertë të mjaftueshme të Pfizer dhe Moderna dhe shtoi se njerëzit që nuk duan, apo nuk kanë mundësi të marrin Pfizer dhe Moderna, do vazhdojnë të kenë akses tek J&J. Paneli i ekspertëve i agjencisë, votoi në mënyrë unanime në favor të rekomandimit. Orë më vonë ,shefja Rochelle Walensky dha pëlqimin e saj.
“Rekomandimi i përditësuar sot thekson angazhimin e agjencisë për të ofruar informacion shkencorë në kohë reale tek publiku amerikan”- tha ajo. SHBA kanë administruar mbi 17 milionë doza të J&J që kur Administrata e Barnave dhe Ushqimeve e autorizoi për përdorim emergjencë në Shkurt.
Në total, 3.8 raste të sëmundjes janë raportuar për 1 milionë doza të admniistruara, sipas agjencisë, që shton se normat janë më të lartat tek gratë në moshë 30-49 vjeç. Paneli deklaroi se vaksina e J&J bën ende sens per njerëzit që mund të kenë reagim alergjik ndaj Pfizer apo Moderna, apo nëse pacienti nuk ka akses në asnjë vaksinë tjetër.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.