Pilula antivirale kundër Covid e Merck – Pritet të gjenerojë mbi 7 miliard dollarë deri në fund të 2022 nëse miratohet

Merck deklaroi se ilaçi eksperimental i Covid-19 mund të gjenerojë 5 -7 miliardë dollarë nëshitje deri në fund të vitit të ardhshëm, duke vlerësuar se merr autorizim në SHBA gjatë Dhjetorit.  Aksionet e Merck u rritën me mbi 4% në 84.88 dollarë në nisje të tregtisë.  Ilaçi antiviral, molnupiravir, është monitoruar me kujdes që kur Merck raportoi më herët këtë muaj të dhëna që treguan se mund të përgjysmojë shanset e vdekjes apo shtrimit në spital për më të rrezikuarit nga Covid, nëse jepet në fazat e hershme.

Paneli i Administratës së Barnave në SHBA do të takohet në Nëntor, për të votuar nëse ilaçi duhet të autorizuar. Nëse merr pëlqimin e agjencisë, ilaçi, që po zhvillohet me Ridgeback, do bëhet pilula e parë antivirale që trajton Covid.  Ekzekutivi i Merck, Robert Davis, tha në një intervistë se projeksione prej 5-7 miliardë dollarë për ilaçin bazohet në kontratat e nënshkurara dhe rajonet ku kompania ka besim të lartë se do arrihet një marrëveshje.  Ai shtoi se kërkesa mund të rritet fuqishëm nëse ilaçi zbulohet se është efektiv edhe në parandalimin e Covid, pas ekspozimit ndaj virusit.

Ndërkohë që vaksinat janë arma kryesore në luftën me Covid, ilaçi eksperimental i Merck mund të ndryshojë lojën, pasi trajtimet e tjera jepen me infuzion në gjak, kryesisht në spital.  Molnupiravir nga ana tjetër, merret 2 herë në ditë, për 5 ditë nga goja.  Firma amerikane në Qershor ra dakord të ofrojë 1.7milionë doza të molnupiravir tek qeveria amerikane për rreth 1.2 mld dollarë, pasi të marrë miratim. Vende të tjera kanë nxituar të nënshkruajnë marrëveshje, që kur u publikuan të dhënat së fundmi.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.