Pista vrapimi dhe biçikletash në Parkun e Liqenit Artificial-124 milionë lekë për shpronësime. Kush preket
Ministria e Infrastrukturës dhe Energjisë ka shpallur kërkesën për shpronësimin për interes publik të pronarëve të pasurive të paluajtshme, pronë private, të llojit “tokë truall”, që preken nga ndërtimi i objektit: “Itinerare këmbësorësh me pistë vrapimi dhe biçikletash në Parkun e Liqenit Artificial”.
Subjekti kërkues i këtij objekti është Bashkia Tiranë.
“Me anë të këtij publikimi kërkojmë të vëmë në dijeni personat e prekur nga ky shpronësim për pasuritë e paluajtshme, pronë private (sipas tabelës bashkëlidhur), të cilat do të kompensohen sipas vlerësimit paraprak.
Personat që preken nga ky projekt të cilët kanë emrin në tabelën e publikuar, si dhe personat të cilët preken por nuk figurojnë në këto lista, jo më vonë se 15 (pesëmbëdhjetë) ditë nga plotësimi i këtij afati për publikim, kanë të drejtë të paraqesin pretendimet e tyre, të shoqëruara me dokumentacionin përkatës, si edhe të shprehen nëse janë dakord me të dhënat e publikuara për përfundimin e procedurave të shpronësimit dhe marrjes në përdorim të përkohshëm.
Lutemi pronarëve dhe personave që pretendojnë pronësinë mbi pasuritë që preken nga ky projekt të dorëzojnë çdo dokument që disponojnë pranë Agjencisë Shtetërore të Kadastrës, Drejtoria Vendore Tiranë, mbi saktësimin dhe konfirmimin e pronësisë, sipërfaqeve, mungesat e dokumentacionit etj” njofton Ministria. Vlera totale e shpronësimit është 124 milionë e 169 mijë lekë.
Per te lexuar listen e atyre qe shpronesohen: KLIKO KETU
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.