Planet e qeverisë për gazin – Balluku: Tubacioni Fier-Vlorë do të lidhet me terminalin lundrues LNG!
Qeveria synon të ndërtojë tubacionin e gazit Fier-Vlorë për të lidhur Gazsjellësin Trans Adriatik, me portin e lundrueshëm LNG që parashikohet të ndërtohet në Vlorë.
Gjithçka u bë me dije nga ministrja e Infrastrukturës dhe Energjisë, Belinda Balluku gjatë një takimi të zhvilluar me një grup kompanish nga SHBA dhe BE, mbi mundësinë e investimeve në projektet energjetike të Shqipërisë.
I pranishëm ishte edhe kryeministri, Edi Rama i cili foli për synimet e qeverisë për kthimin e Shqipërisë në një vend eksportues të energjisë.
Sipas ambasadores së Shteteve të Bashkuara në Tiranë, Yuri Kim vendet e rajonit duhet të krijojnë zgjidhje të përbashkëta për garantimin e sigurisë energjetike, teksa shpresoi që tryeza e përbashkët me investitorët të prodhonte angazhime reale për projektet energjetike.
Ola Mitre / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.