Planet Vendore – Gjiknuri: Në 6-mujorin e parë të 2019, i gjithë vendi do të plotësohet me PPV

Brenda 6 mujorit të parë të vitit të ardhshëm, e gjithë Shqipëria do të pajiset me Planet e Përgjithshme Vendore. Lajmin  e ka bërë të ditur ministri i Infrastrukturës dhe Energjisë, Damian Gjiknuri, sipas të cilit ka përfunduar lidhja e kontratave dhe ka nisur puna edhe për PPV e 16 bashkive të fundit.

Ato përfshijnë bashkitë: Peqin, Roskovec, Patos, Mallakastër, Libohovë, Delvinë, Finiq, Pustec, Maliq, Devoll, Fushë-Arrëz, Has, Bulqizë, Selenicë, Memaliaj e Tepelenë.

”Lidhëm kontratat dhe nisi puna për Planet e Përgjithshme Vendore të 16 Bashkive të fundit. Brenda 6-mujorit të parë të vitit të ardhshëm🗓, i gjithë territori plotësohet me PPV, që do të jenë platforma zhvillimi për 15 vitet e ardhshme për mënyrën sesi do të zhvillohen Njësitë e Qeverisjes Vendore, në zonat rurale dhe urbane”, u shpreh ministri.

Kostoja e përgjithshme e planeve vendore të këtyre 16 bashkive kap vlerën e 166 milionë lekëve.

G.D/SCAN

Plane vendore për 16 Bashki të vendit – Hartimi do të kushtojë 1.27 mln euro

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.