Planeti i rrushit: Si vera e kuqe do të ndihmojë astronautët në mision

Vera e kuqe është një element kryesor për shumë mbledhje shoqërore, por sipas një studimi të botuar javën e kaluar në revistën shkencore Frontiers, ajo së shpejti mund të jetë një element kryesor për astronautët në hapësirë. Studiuesit në Shkollën Mjekësore të Harvardit treguan se resveratrol (RSV), një përbërës që zakonisht gjendet në lëkurat e rrushit dhe boronica, ndihmon në ruajtjen e funksionit të muskujve në mungesën e gravitetit dhe mund të zbusë atrofinë e muskujve, një fenomen që përjetohet nga astronautët në hapësirë.

Duke folur për Euronews, autori kryesor i studimit, Dr Marie Mortreux tha se muskujt e “astronautëve” përjetojnë përvojën e dekushtëzimit në hapësirë ​​për shkak të mungesës së gravitetit. “Muskujt që preken më shumë janë ato posturale siç është pjesa e pulpës. Në Tokë, ata na ndihmojnë të punojmë kundër gravitetit dhe ta ruajmë trupin drejt. Ndërsa në hapësirë, pasi nuk ka ndikim të gravitetit të Tokës, këta muskuj nuk janë më të nevojshëm, dhe për këtë arsye trupi ynë përshtatet dhe kjo është arsyeja pse ndodh atrofia e shpejtë e muskujve.”, shtoi ai.

Sipas tij, kur kjo ndodh, muskujt gjithashtu pësojnë një ndryshim në përbërje. Në Tokë, muskujt përmbajnë fibra të cilat kontraktohen ngadalë, të njohura si fibra të ngadalta, të cilat na lejojnë të punojmë kundër gravitetit. Në hapësirë, megjithatë, mungesa e gravitetit bën që këto fibra të ndryshojnë dhe tkurren më shpejt, të njohura si fibra me dyndje të shpejta. Për dallim nga fibrat me dyndje të ngadalta, këto fibra pësojnë më shpejt lodhje, gjë që përbën problem për astronautët kur ata kthehen në Tokë.

RSV, një përbërës anti-oksidues, anti-diabetik dhe anti-inflamator, ndihmon në shmangien e këtij fenomeni. Mortreux thotë se “në disa modele të mikrogravitetit, RSV ka treguar se e përmirëson masën e muskujve dhe rimëkëmbjen e tyre dhe ka vepruar si një mimetikë stërvitore.” Efekti i saktë i RSV në muskuj është akoma “relativisht i panjohur”, sipas Mortreux, megjithëse ekzistojnë disa prova të forta që mbështesin hipotezën që RSV mund të ruajë masën e muskujve.

“Hipoteza ime është se RSV ka një efekt të dobishëm holistik në muskul,” tha Mortreux. “Së pari, zvogëlon inflamacionin, i cili gjithmonë ndodh kur trupi është i ekspozuar ndaj një ndryshimi të papritur dhe të rëndësishëm ose stresit. Së dyti, ai mbikëqyr thithjen e glukozës në muskul, gjë që lejon muskujt të funksionojnë më mirë dhe të performojnë më mirë. Mortreux gjithashtu thotë se RSV ka një efekt në zvogëlimin e përbërjes së muskujve nga marrja e fibrave të ngadalta në fibrat me shpejtësi të dyzuar. “Unë mendoj se RSV, duke ruajtur marrjen e glukozës dhe përfitimet e saj të tjera, i lejon muskujve të mbajnë përbërjen e tyre origjinale dhe kështu forcën e tij.”, tha ai. (Euronews)

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.