Plani për kreditë e këqija – Ngritja e Byrosë, në 2018 kreditimi sipas deklaratës tatimore
Kreditë me probleme janë një nga arsyet se pse sektori bankar ka mbajtur qëndrim konservator sidomos përballë biznesit lidhur me kredinë e re.
Plani i masave që përfshiu mes të tjerave nisma ligjore por edhe akte zbatuese konkret do të kalojë tashmë në një fazë tjetër. Plani 3 vjeçar 2017-2019 parashikon ngritjen e disa hallkave institucionale që targetojnë objektivin kryesor, uljen e kredive me probleme.
“Një hap i rëndësishëm për zbatimin e suksesshëm të këtij plani veprimi konsiderohet krijimi i zyrës së kreditit, përgjegjës për të gjeneruar kreditë për konsumatorët që synojnë përmirësimin e normës së këtyre kredive në vend. Rezultatet paraprake sugjerojnë krijimin e një Byroje private nga bankat komerciale në bashkëpunim me kompani të tjera utilitare të interesuara. Aktualisht këto rezultate janë duke u diskutuar me Bankën e Shqipërisë dhe bankat tregtare si institucione të prekura nga ky projekt si mundësitë për zhvillimin e mëtejshëm të saj”, thuhet në një dokument të qeverisë. Por çfarë parashikohet vit pas viti në këtë plan?
Për vitin 2017 në fokus janë:
-Përmirësimi i regjistrit të kredive
-Kontrata mbi ristrukturimin e borxhit jashtë gjykatës
-Trajtimi i 35 grupeve/kompanive me borxh më të lartë
Në vitin 2018:
-Kreditim në bazë të deklaratës tatimore.
Kjo do të bëjë që informacioni mbi kredimarrësin të jetë real duke ulur kështu edhe pse jo plotësisht riskun potencial. Nga të dhënat statistikore të paaudituara të gjeneruara nga Shoqata Shqiptare e Bankave kreditë me probleme shënuan nivelin 20.4 për qind në fund të nëntorit të vitit të kaluar.
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.