Planifiko tani: 10 hapa që të përjetoni një udhëtim të mahnitshëm për 2017-ën
Udhëtimet e ëndrrave mund të duken të pamundura për tu orkestruar (kaq shumë përpjekje, kaq shumë para), por duke filluar nga tani mund ta bëni më të lehtë dhe një udhëtim të fantastik deri në fund të vitit. Edhe pse kërkon një sakrificë gjatë gjithë vitit, merrni zemër: Identifikimi i një qëllimi për udhëtim më përpara ju bën të suksesshëm në buxhetimin e këtij udhëtimi dhe mund të jetë një proces argëtues. Prandaj ju këshillojmë të ndiqni këto hapa:
Hapni një llogari të veçantë
Hapi i parë për të siguruar një udhëtim madhështor deri në fund të vitit: Krijoni një llogari të dedikuar në bankë për pushimet, ndajeni nga llogaria dhe kursimet aktuale. Shumë banka ju lejojnë të transferoni automatikisht nga llogaria primare në një llogari të veçantë. Llogaria e re e udhëtimit duhet të njohë vetëm kursime. Pavarësisht çfarë mund të ndodhë gjatë vitit, duhet të ruani paratë deri në fund të vitit. Kini kujdes nga paralizimet që mund t’ju sjell banka për tërheqjen e tyre në fund të vitit.
Rishikoni kostot
Është e pamundur të bëni një buxhet pa parë dhe kuptuar me kujdes kostot përkatëse për destinacionin ku do të shkoni. Çdo gjë duhet të llogaritet, duke filluar nga biletat dhe hoteli si dhe biletat për vendet që do të vizitoni brenda atij destinacioni. Bëni një internerar imagjinar dhe shikoni online apo nëpërmjet rubrikave apo nëpërmjet librave që mund të gjeni.
Kini kujdes nga sezoni i dyndjes me turista, kjo mund të sjellë një rritje të shpenzimeve në atë periudhë. Mbani mënd se mund të ketë dhe shpenzime të papritura si taksat e ndryshme, sigurimi shëndetësor, shërbimi telefonik, etj. Me të mbërritur mund të jetë më e lehtë të merrni një makinë me qira apo të përdorni një transport publik. Kujdes dhe nga kursi i këmbimit të parave. Informohuni më parë sesa të këmbeni.
Ruani para për këtë udhëtim
Nëse çdo para e hequr mund të ruhet për këtë udhëtim, përcaktojeni tani dhe filloni të rregulloni shpenzimet përkatëse. Një bonus vjetor apo kthim i taksave mund të hiqet mënjanë për këtë udhëtim, të paktën një pjesë, pa lënë mënjanë detyrimet apo borxhet për të shlyer. Kjo urgjencë do ju angazhojë për ta arritur objektivin tuaj si dhe për të hequr paratë mënjanë.
Shkurtoni shpenzimet
Kërkesa për ruajtjen mujore kërkon një buxhet paraprak dhe që është e nevojshme të shkurtoni pak shpenzimet. Sakrifica mund të jetë e nevojshme. Shikoni tek shpenzimet për veshje dhe konsideroni se sa mund të reduktoni. Mund të ketë shumë gjëra ku mund të shkurtoni pak shpenzimet.
Ruani qindarkat
Sillni një ndryshim të vogël. Merrni një arkë kursimesh dhe emërtojeni “ pushimet në Hawai” apo “ Udhëtim të mbarë”. Do të shikoni se mund të jetë tejet argëtuese dhe mund të akumuloni më shpejt para. Vendosni të mos përdorni ATM apo kartë krediti ku ju mbahen para sadopak për shërbimin, pini kafen në shtëpi apo zyrë, thojini jo pijeve në restorant (apo edhe në shtëpi). Shpallni një thënie “ duhet të porosis ëmbëlsirën apo të shkojë në Itali për krishtlindje?”
Përfshini të gjithë familjen
Një udhëtim familjar duhet të përfshijë çdo pjesëtar të familjes që kupton paratë dhe sakrificën. Flisni me fëmijët rreth parave që mund të përdoren për këtë udhëtim, dhe sesi mund të ruajnë ca të ardhura për një udhëtim të këndshëm.
Nëse arrini të vendosni një frymë të tillë në familjen tuaj, mund të jetë shumë me e lehtë dhe argëtuese grumbullimi i fondit të nevojshëm për këtë udhëtim. Nëse keni ndonjë të afërm i cili mund të kontribuojë mund të merrni dhe fëmijët tuaj nëse arrini të siguroni këto fonde.
Mbani nën kontroll ruajtjen e parave
Është e rëndësishme të mbani nën kontroll ruajtjen e parave, si dhe nëse duhet të rezervoni më parë në kohë. Krijoni takime familjare ku të rriturit të shikojnë ecurinë e ruajtjes së fondit. Numëroni në kutinë e kursimeve çdo qindarkë, si dhe bëni kujdes me shkëmbimet e monedhave.
Nga një pikë në një pikë tjetër kursi i këmbimit mund t’ju favorizojë por edhe t’ju penalizojë, pra bëni kujdes. Qëndroni një hap para me kursimet në mënyrë që të shmangni çdo surprizë të pakëndshme para udhëtimit.
Bëhuni kreativ për të fituar para
Një kursim për udhëtimin nuk është e thënë të vij vetëm nga heqja e të ardhurave tuaj mujore apo shkurtimet e shpenzimeve. Shumë nga ne mund të kenë në shtëpi libra të papërdorshëm, CD me muzike apo lojëra apo dhe ndonjë send tjetër të papërdorshëm që shumë mirë mund të shiten dhe të sjellin ca para.
Mund të mendoni për një punë part-time e cila gjithashtu mund të sjell ca të ardhura. Një ide mund të jetë dhe lëshimi me qira i ndonjë dhome apo apartamenti që nuk e shfrytëzoni.
Shikoni për ndonjë sponsorizues
Pasi të keni përcaktuar destinacionin, mund të ndodhë që dikush t’ju ndihmojë duke ju paguara ca para për këtë udhëtim, dhe mund t’ia vlej të kërkoni.
Për disa student dhe mësues mund të ketë ndonjë bursë online, apo ndonjë organizatë apo institucion të cilët sponsorizojnë për ndonjë trajnim në fushën ku ju punoni. Apo dhe ndonjë vullnetar që kërkohet pikërisht në destinacionin që ju keni zgjedhur. Gjithsesi mos i mbani të gjithë shpresat tek sponsorizimet.
Mbani ëndrrën zgjuar
Të heqësh ca para mënjanë mund të sjell stres dhe të kufizon në shpenzimet shtëpiake, por duke patur një objektiv në mendje mund të jetë motivuese dhe eksituese. Vendos disa shënime për destinacionin ku do të shkosh, si ndonjë foto në kompjuter. Flisni rreth vendit përtej parave, eksploroni dhe kërkoni fakte interesante rreth tij, historinë, mënyrën e jetesës në këtë vend.
Hani ushqim dhe dëgjoni muzikë të atij vendi, ëndërroni se si do të shijoni pushimin kur të vij koha e duhur. Shikoni videot në Youtube rreth gjuhës dhe theksit, kërkojini familjes ta praktikojnë dhe ata thjesht për qejf. Vizatoni inspiratat drejt udhëtimit të ardhshëm duke jua bërë më pak të dhimbshëm heqjen mënjanë të parave dhe më të lehtë për ta arrirë.
Ada Xhagolli/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.