Platforma e bashkëqeverisjes, Rama: 1 mijë denoncime në një javë. Synim, administratë më zero ryshfet
Krijimi i një administratë të besueshme dhe me zero ryshfet është qëllimi i qeverisë deri në fund të këtij mandati. Gjatë një takimi me qytetarë në kryeministri, në kuadër të platformës së bashkëqeverisjes me qytetarët, kryeministri Edi Rama deklaroi se do vijojnë masat ndëshkuese ndaj punonjësve të cilët nuk kanë trajtuar në kohë problemet e qytetarëve.
Rama duke pranuar se ka ende element bartës të zakoneve që duhen ndaluar në administratën publike kërkoi adresimin e tyre në platformë.
Rama theksoi se janë rreth 150 raste punonjësish që janë ndëshkuar për abuzimet që kanë bërë, ndërkohë që vetëm brenda një jave në këtë platformë, sipas kryeministrit janë adresuar rreth 1 mijë ankesa, ku dominojnë ato për çështjet e pronësisë
Në këtë takim, Rama u njoh edhe me disa nga problematikat e hasura nga qytetarët lidhur me shërbimet e administratës publike.
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.