Plotësimi i rekomandimeve të BE – Vlahutin: Shqipëria duhet të ketë progres konstant
Plotësimi i rekomandimeve të kushtëzuara është edhe çelësi për anëtarësimin e Shqipërisë në BE. Ambasadorja e BE Romana Vlahutin gjatë aktivitetit “Këshillimet Publike për Raport Progresin 2018” u shpreh se qeveria shqiptare duhet të këtë progres konstant në luftën ndaj kanabisit apo korrupsionit.
“Secili shtet anëtar apo edhe ata që aspirojnë duhet të pajtohen me rekomandimet e kushtëzuara që duhet të plotësojnë në vijimësi. Lufta ndaj kanabisit, korrupsionit si dhe reforma në drejtësi janë disa nga objektivat që duhet të plotësohen nga qeveria shqiptare jo vetëm për integrimin në BE por edhe për vetë Shqipërinë. Në raport progresin evidentohet progresi i arritur deri në këto momente, por edhe hapat që do të ndiqen për hapjen e negociatave të Shqipërisë.”
Më tej ambasadorja e BE-së ka shprehur edhe një herë mbështetjen që japin ndërkombëtarët për shoqërinë civile si dhe ju ka bërë thirrje të gjitha institucioneve që të ndjekin politikën e dyerve të hapura.
Entela Barjamaj/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.