Po ikni me pushime? Ja disa mënyra për të shpëtuar lulet nga thatësira
Jeni duke bërë gati valixhet për të shkuar me pushime por jeni të shqetësuar se mos ju thahen bimët dhe lulet gjatë kësaj periudhe? Mos u shqetësoni edhe pse kërkon pak planifikim dhe maturi është mjaft e thjeshtë. Më poshtë do të gjeni disa zgjidhje efikase për ujitjen e luleve tuaja në mënyrë që të shkoni me pushime e të mos e ktheni kokën pas.
- Zgjidhni një fqinj të edukuar
Nëse njihni dikë i cili mund t’ju ujisë bimët tuaja disa herë në javë ndërkohë që jeni larg, në këmbim që ju të bëni të njëjtën gjë për ta, do të ishte ideale. Nëse keni një fqinj i cili është i apasionuar pas bimëve akoma edhe më mirë pasi do të flinit mendjen në këtë aspekt duke menduar se ai po kujdeset edhe më mirë se ju për bimët tuaja. Pavarësisht kësaj, përpara se të shkoni me pushime lini udhëzime për mënyrën se si dhe sa duhen ujitur bimët tuaja në mënyrë që t’ia lehtësoni punën personit që do të kujdeset.
- Krijoni një sistem vetë me sensorë elektronik
Për të gjithë personat të cilët janë të stërvitur me gjërat e punuara me dorë dhe i pëlqejnë sendet elektronike mund të punojnë për të krijuar një sistem me sensorë elektronik. Ky sistem i teknologjisë së ulët përdor sensorë për të zbuluar kur toka është e thatë. Ju vetëm duhet të kujtoni të ujisni këtë pajisje njëherë në kaq kohë.
- Sistemi oasis vetë ujitës
Ky sistem ujitjeje rekomandohet kur keni 20 apo më shumë vazo me lule. Nëse dëshironi të shkoni me pushime të gjata atëherë sistemi oasis është ai çfarë ju duhet. Në këtë mënyrë nuk do të vrisni mendjen për bimët tuaja e do të shijoni ditët tuaja të pushimit.
- Sistem ujitjeje me spango
Një ide e mirë është përdorimi i pëlhurës prej pambuku ose najloni. Nëse keni litar të hollë bëjeni gërshet në mënyrë që ta thithë më mirë ujin. Kini kujdes nëse përdorni një litar i cili nuk është 100 për qind absorbues ujitja do të dështojë.
V.Hydi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.