‘Po ndodh’: Dozat e para të vaksinave COVID arrijnë në vendet anëtare të BE në 26 Dhjetor
Vaksinat COVID-19 po përgatiten për dërgim në vendet anëtare të Bashkimit Europian, konfirmoi Komisioni.
“Po ndodh: vaksinat COVID po dërgohen në të gjitha vendet e BE,” tha Isaac Valero, ndihmës i Sekretarit të Përgjithshëm të Komisionit në Twitter.
Shtetet anëtare do të marrin secila afërsisht 10.000 doza për këtë dërgesë të parë në 26 dhjetor, i tha Komisioni Euronews.
Dorëzimet do të vazhdojnë në dhjetor dhe në baza të qëndrueshme javore gjatë muajve në vijim. Brukseli më parë ka thënë se vendeve anëtare do t’u ndahen doza bazuar në madhësinë e tyre të popullsisë.
Agjencia Europiane e Barnave (EMA) autorizoi përdorimin emergjent të dozës së zhvilluar nga Pfizer dhe BioNtech dhe vendet e BE do të fillojnë fushatat e tyre të vaksinimit.
Brukseli ka arritur disa marrëveshje për blerjen e avansit për vaksinat COVID-19 dhe ka siguruar deri në 300 milion doza të vaksinës Pfizer-BioNtech, e vetmja e aprovuar deri më tani nga autoritetet evropiane.
Kjo do të thotë që deri në 150 milion Europianë mund ta marrin atë pasi kërkohen dy doza që të jetë më shumë se 90 përqind efektive.
Komisioni pret që shpërndarja e 200 milion dozave të para të përfundojë deri në Shtator 2021 dhe aktualisht “po punon për të aktivizuar 100 milion doza shtesë”, i tha Euronews.
EMA gjithashtu ka sjellë përpara rishikimin e saj të vaksinës Moderna deri në 6 janar. Komisioni ka lidhur një kontratë me kompaninë amerikane për të blerë deri në 160 milion doza të mjaftueshme për të vaksinuar edhe 80 milion europianë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.