Po regjistronte orën e aerobisë, pa e ditur së në sfond po ndodhte një grusht shteti! (Video)
Një grua në Mianmar po regjistronte orën e aerobisë për klasën e saj, pa e ditur se në sfond po kalonin makinat e juntës ushtarake që po shkonte në parlament për të realizuar grushtin e shtetit. Videoja është bërë virale në rrjet.
Një ditë më parë në Myanmar ka ndodhur një grusht shteti ku ushtria ka arrestur kryeministren Aung San Suu Kyi dhe pushtetarë të tjerë. Të gjitha pushtetet i janë transferuar gjeneralit Min Aung Hlaing, shef i Forcave të Armatosura.
Vendimi është njoftuar nga ushtria pak pasi është deklaruar gjendja e emergjencës për një vit dhe presidenca i ka kaluar një gjenerali tjetër Myint Sëe, që ishte një nga zëvëndëspresidentët në detyrë. Aung San Suu Kyi ka reaguar duke iu drejtuar popullit ku ka thënë se nuk e pranon këtë veprim të ushtrisë.
Ushtarakët po akuzojnë javët e fundit për manipulimin e procesit zgjedhor që u mbajtr në nëntorin e kaluar. Arrestimet u kryen vetëm pak orë para se të bëhej betimi i parlamentit të ri. Ata pretendojnë se janë identifikuar miliona raste manipulimi, ku mes të cilave rezulton se janë votues me qindra mijëra fëmijë.
Kryeministrja e arrestuar nga ushtria ka marrë çmimin Nobel për Paqen në vitin 1991.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.