Policia e Shtetit gjobit subjektin politike për shkelje e masave të vendosura – Masa edhe për lokalet në Maliq dhe Divjakë
Policia e Shtetit nëpërmjet një njoftimi në faqen zyrtare ka njoftuar se gjatë ditës së sotme janë ndëshkuar me masë administrative prej 5.000.000 lekësh, përfaqësuesin e një subjekti politik pasi ka organizuar aktivitet politik në Maliq, në kundërshtim me Aktin Normativ për marrjen e masave parandaluese për përhapjen e COVID-19.
Njëkohësisht është ndëshkuar me masë administrative 1.000.000 lekë, edhe administratorja e lokalit e cila lejoi zhvillimin e këtij aktiviteti.
Gjithashtu janë ndëshkuar me masë administrative 1.000.000 lekë, administratorët e dy lokaleve që lejuan zhvillimin e aktiviteteve politike në kundërshtim me Aktin Normativ për marrjen e masave parandaluese për përhapjen e COVID-19 në qytetin e Divjakës.
Policia e Shtetit apelon për të gjithë qytetarët, pronarët dhe administratorët e lokaleve, që të respektojnë me korrektësi masat anticovid për të bërë të mundur shkëputjen e zinxhirit të infektimit nga virusi dhe fton qytetarët të denoncojnë në Komisariatin Dixhital cilindo që nuk respekton këto masa kufizuese duke u kthyer në burim rreziku për qytetarët.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.