Policia e Shtetit hap dyert për ekonomistët, financierët e juristët e rinj! Lleshaj: Do të integrohen në strukturat e hetimit
Studentët që kanë përfunduar me rezultate të larta në ekonomi, financë, informatikë, elektronikë dhe jurisprudencë do të mund të bëhen pjesë e Akademisë së Policisë, për t’u integruar më pas në strukturat e hetimit të policisë së shtetit. Pas miratimit të ndryshimeve ne ligjin për Policinë e Shtetit në seancën e një dite më parë, ministri i Brendshëm Sandër Lleshaj ka reaguar në rrjetet sociale duke evidentuar se në këtë mënyrë hapen dyert e Policisë së Shtetit për të diplomuarit.
“Ndryshimet e miratuara mbrëmë nga Kuvendi në Ligjin “Për Policinë e Shtetit”, hapin rrugën drejt një etape të rëndësishme të modernizimit të saj. Policia e Shtetit hap dyert e Akademisë së Sigurisë për studentët që kanë përfunduar me rezultate të larta në ekonomi, financë, informatikë, elektronikë dhe jurisprudencë. Të diplomuarit universitarë do të integrohen në strukturat e hetimit në Policinë e Shtetit, pasi të kalojnë një periudhë arsimimi e trajnimi në Akademinë e Sigurisë” shkruan ministri i Brendshëm në rrjetet sociale.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.