Policia e Tiranës: Pas mitingut të PD, 50 persona përfundojnë në spital. Katër institucione nisin hetimet

Rreth 50 shtetas që ishin pjesëmarrës në aktivitetin e zhvilluar nga Partia Demokratike mbrëmjen e djeshme janë paraqitur rreth orës 04.00 të mëngjesit në QSUT për ndihmë mjekësore, me simptoma të ngjashme, kryesisht djegie ne sy dhe skuqje lëkure në pjesët e sipërme të trupit.

Kështu thuhet në deklaratën drejtuar mediave nga Policia e Tiranës, ku më tej theksohet se pasi janë mjekuar, të gjithë shtetasit janë larguar për në banese, veç 3 prej tyre që kane pasur më tepër shqetësime po mbahen nën kujdesin e mjekeve në spital.

Sipas policisë, menjëherë sapo është marrë njoftimi, nën drejtimin e Prokurorisë së Tiranës është ngritur grupi hetimor, me ekspertë nga Policia e Shtetit, Garda e Republikës, struktura të specializuara të Forcave te Armatosura etj.

Gjithashtu, po kryhen të gjithë ekzaminimet e nevojshme për të përcaktuar shkakun që provokoi simptomat, si dhe zbardhjen e plote të rrethanave të ngjarjes.

Deklarata e Policisë së Tiranës

Tiranë

Paraprake

Në datë 28.05.2017, rreth orës 04.00 te mëngjesit në Q.S.U.T., janë paraqitur për ndihme mjekësore rreth 50 shtetas me simptoma te ngjashme, kryesisht djegie ne sy dhe skuqje lëkure ne pjesët e sipërme te trupit.

Nga verifikimet paraprake rezulton se këta shtetas kanë qenë pjesëmarrës në aktivitetin e zhvilluar nga Partia Demokratike, mbajtur ne orën 19:00 te datës 27 maj, zhvilluar ne Bulevardin ‘Dëshmorët e Kombit’ ne Tirane.

Pasi janë mjekuar te gjithë shtetasit janë larguar për ne banese, veç 3 prej tyre qe kane pasur me tepër shqetësime dhe po mbahen nen kujdesin e mjekeve ne spital.

Menjëherë sapo ka marre njoftim, nen drejtimin e Prokurorisë se Tiranës është ngritur grupi hetimor me eksperte nga Policia e Shtetit, Garda e Republikës, struktura te specializuara te Forcave te Armatosura etj.

Ndërkohë po kryhen gjithë ekzaminimet e nevojshme për te përcaktuar shkakun qe provokoi simptomat si dhe zbardhjen e plote te rrethanave te ngjarjes.

Osman Dedja/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.