Policia gjermane i rinovon flotën Forcave shqiptare të Ndërhyrjes së Shpejtë! I dhuron automjete me vlerë 327 mijë euro
Policia Federale e Gjermanisë i ka dhuruar Policisë së Shtetit 7 automjet të tipit Mercedes Benz Sprinter që kapin shifrën e 327 mijë eurove.
Drejtori i Përgjithshëm i Policisë së Shtetit Ardi Veliu gjatë fjalimit të mbajtur ka thënë se “shpreh vlerësimet e mia për marrëdhëniet mjaft të mira të bashkëpunimit me Policinë Federale të Gjermanisë dhe me BKA-në, marrëdhënie jo thjesht protokollare, por shumëdimensionale, konkrete dhe të vlefshme në drejtim të rritjes së profesionalizmit, përmirësimin e imazhit, përmirësimit të logjistikës dhe të besueshmërisë”.
“Rinovimi i herëpashershëm i flotës së Policisë, me automjete të reja dhe cilësore, përmirëson akoma më tej performancën e strukturave policore dhe njëkohësisht kushtet e punës dhe shërbimit të punonjësve të Policisë e në këtë rast atyre të FNSH-së, të cilët gjej rastin t’i uroj dhe përgëzoj për punën dhe përkushtimin e tyre në detyrat e ngarkuara”, është shprehur Veliu në cermoninë ku ka qenë pjesmarrës edhe Ambasador i Gjermanisë në Shqipëri, Peter Zingraf.
Automjetet të loguara dhe të pajisura me sinjalistikë policie, të cilat do të jenë në përdorim nga Reparti i Ndërhyrjes së Shpejtë Tiranë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.