Policia Rrugore thirrje për drejtuesit e mjeteve: “Vendosja e zinxhirëve dhe gomave të dimrit të detyrueshme ”
Policia Rrugore ka nxjerrë një njoftim në ditën e sotme për të gjithë drejtuesit e mjeteve që të bëjnë kujdes në lëvizjen në rrugët urbane, interurbane dhe nacionale.
Sipas tyre duhet që të gjithë drejtuesit të marrin parasysh mjetet teknike që duhen për të lëvizur në kushte të tilla atmosferike ku temepraturat arrijnë edhe nën zero.
Njoftimi i plotë
Nisur nga situata e krijuar për shkak të motit të keq, me prezencë të akullit, borës dhe ujit në të gjitha akset rrugore nacionale dhe rurale në të gjithë vendin, Policia e Shtetit u bën thirrje të gjithë përdoruesve të rrugës:
🔴 Të kufizojnë lëvizjet e panevojshme dhe të ndjekin këshillat dhe udhëzimet e Policisë rrugore dhe të autoriteteve të tjera.
🔴 Të vendosin gomat e dimrit në automjetet e tyre.
🔴 Të vendosin zinxhirët para se të fillojnë lëvizjen me automjet, pasi punonjësit e Policisë nuk do të lejojnë qarkullim e automjeteve pa zinxhir.
🔴Të vendosin rripin e sigurimit.
🔴 Të mos kryejnë parakalime të gabuara.
🔴 Të kufizojnë në maksimum shpejtësinë, pasi në të gjitha akset rrugore ka prezencë të akullit dhe të borës, gjë që rrit rrezikun e përfshirjes në aksidente rrugore.
Policia e Shtetit ka kaluar në gatishmëri të përforcuar, duke rritur prezencën e shërbimeve policore në akset rrugore nacionale, në qytete dhe në qendrat e njësive administrative, me qëllim për t’iu ardhur në ndihmë qyetarëve në nevojë.
Strukturat e Policisë së Shtetit janë duke operuar në terren, në koordinim e bashkëpunim me autoritetet e tjera përgjegjëse, për normalizimin e situatës së krijuar si pasojë e motit të keq.
Për çdo problem apo informacion mund të telefononi në numrin pa pagesë 112 ose shkruani në Komisariatin Dixhital, duke iu siguruar reagim të menjëhershëm.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.