Policia sekuestron 2.2 mln euro pasuri në Tiranë – Të ardhurat rridhnin nga aktiviteti kriminal
Nëntë apartamente, dy dyqane dhe një garazh janë sekuestruar ditën e sotme, pasi pasuritë dyshohet se janë përfituar nga të ardhura të rrjedhura nga aktiviteti kriminal.
Vlera e pasurive të sekuestruara nga i Pastrimit të Parave në DVP Tiranë përllogaritet në 2.2 milionë euro. Policia ka proceduar penalisht dy shtetas, (vëllezër) me iniciale A.G 44 vjeç dhe A.G 47 vjeç për pastrim të produkteve të verës penale ose veprimtarisë kriminale.
“Seksioni për Pastrimin e Parave në DVP Tiranë, në bashkëpunim me Prokurorinë e Rrethit Gjyqësor Tiranë në funksion të procedimit penal të vitit 2018 “Pastrimi i produkteve të veprës penale ose veprimtarisë kriminale”, në ngarkim të shtetasve A. G., 44 vjeç dhe A. G., 47 vjeç (vëllezër), finalizoi operacionin policor të koduar “Vllazëria”, në kuadër të të cilit u bë ekzekutimi i vendimit të Gjykatës dhe sekuestrimi preventiv i : nëntë apartamenteve, dy dyqaneve, një garazhi (të ndodhura në qytetin e Tiranës dhe Durrësit të cilat kapin vlerën e dy milion e dyqindmijë euro).”
Pas një pune disa mujore në funksion të procedimit të riregjistruar duke përdorur metodat speciale të hetimit, janë identifikuar pasuri të cilat nuk justifikoheshin nga ana ekonomike e financiare dhe rridhnin nga aktiviteti kriminal i dy vëllezërve.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.