Politika, “në duart” e të rinjve – Basha takohet me 70 studentë të Shkencave Politike
Kryetari i Partisë Demokratike Lulzim Basha, bisedoi në selinë e PD me një grup prej 70 studentësh të Shkencave Politike të Universitetit të Tiranës. Biseda u fokusua tek zhvillimet më të rëndësishme të aktualitetit, por edhe rreth zhvillimeve të brendshme të Partisë Demokratike.
“Kush ecën përpara sot në Shqipëri? Cila është industria më e suksesshme në Shqipëri sot? Bananet apo ato që janë poshtë bananeve?! Pra, kemi një sistem ku përpara ecin vetëm trafikantët, kriminelët, pushtetarët e korruptuar, servilët e pushtetit. Dhe ky është sistemi që duhet të ndryshojmë së bashkë.Si ndryshohet ky sistem? Duke bërë atë që shqiptarët kërkojnë duke shkuar në Europë: liri, meritokraci, konkurrencë; secili sipas meritës të ecë përpara. Këtë kërkojmë apo jo. Që kjo të ndodhë duhet të kemi një sistem politik që ka zgjedhje të lira dhe ku të zgjedhurit të japin llogari para zgjedhësve, jo para kryetarëve të partive dhe kryeministrave”, u shpreh Basha.
Studentët ishin të lirë që të pyesin dhe të diskutonin me kreun e opozitës edhe për përfshirjen e të rinjve në politikë.
Entela Barjamaj/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.