Politika nuk “nxin” turizmin! – Klosi: Presim 6.6 milionë turistë, janë shtuar kapacitetet
Situata e tensionuar politike dhe protestat e vazhdueshme kanë dhënë efektet e para në frenimin e turistëve të huaj, por pavarësisht kësaj, qeveria është entuziaste se Shqipëria do të mirëpresë rreth 6.6 milion turistë këtë sezon, apo 600 mijë më shumë se një vit më parë, ndërsa duket se edhe kapacitetet pritëse janë rritur.
Ministri i Turizmit Blendi Klosi ka ngritur grupin e punës, i cili përgjatë periudhës 24 qershor deri më 20 korrik do të bëjë verifikimin e stacioneve të menaxhimit të plazheve dhe të strukturave akomoduese. Sipas tij, deri më tani operatorët turistikë dhe vendorët, nuk e kanë zbatuar ligjin.
Klosi mblodhi task-forcën e turizmit, ku u diskutuan një sërë problematikash që ka ky sektor, që nga pastërtia dhe siguria në plazhe dhe u lanë detyrat për mbarëvajtjen e sezonit.
Elisabeta Dosku / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.