Politikat fiskale të paqëndrueshme – Eksperti: Si ndryshoi 44 herë, Ligji “Për tatimin mbi të ardhurat” nga viti 1998
Politikat fiskale ndikojnë në orientimin dhe zhvillimin ekonomik të një vendi. Por ajo që karakterizon qeverisjen ndër vite në Shqipëri, janë ndryshimet e vazhdueshme të legjislacionit fiskal. Eksperti Enea Janko, i ftuar në emisionin “Përtëfol” evidentoi se vetëm Ligji “Për tatimin mbi të ardhurat” nga viti 1998 kur u miratua e deri në vitin 2021, është ndryshuar 44 herë.
Përkundër premtimeve të qeverive për qëndrueshmëri fiskale, përllogariten dhjetëra ndryshime ligjesh edhe brenda një mandati qeverisës, duke krijuar pasiguri tek biznesi vendas dhe ndikuar negativisht në thithjen e investitorëve të huaj.
Problem sipas ekspertëve mbeten edhe përjashtimet tatimore për segmente të caktuara, pasi në vend të ndikimit pozitiv, ato lënë shteg për evazion.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.