‘Politikë më pak agresive’ – Banka Qendrore turke lehtësime në normat e interesit
Ekonomistët presin që banka qendrore e Turqisë të vonojë shkurtimin e normave të interesit deri në korrik dhe të lehtësojë politikën më pak agresive sesa ishte menduar më parë, kjo, pas dy javësh paqëndrueshmërie në tregjet financiare të vendit.
Parashikimet e anketës për normën e fund vitit shkonin nga 17.5 për qind në 24 për qind, me një mesatare prej 20.75 për qind. Banka qendrore e ka mbajtur atë në 24 për qind që nga muaji shtator, kur ekonomia turke ishte në mes të një krize të monedhës. Ekonomistët presin që banka të ulë normat këtë vit me një mesatare prej 3.25 pikë përqindje, poshtë nga një mesatare prej 5.00 pikësh përqindjeje në sondazhin e mëparshëm të Reuters bërë në fund të shkurtit.
Banka qendrore tha se do të mbajë politikën monetare të shtrënguar derisa inflacioni të tregojë një përmirësim bindës. Çmimet e ushqimeve u rritën më parë këtë vit, duke rritur inflacionin vjetor të çmimeve të konsumit, pavarësisht përpjekjeve të qeverisë për t’i ulur. Një rënie e mprehtë e lirës në mars filloi një javë të paqëndrueshmërisë përpara zgjedhjeve lokale turke.
“Ne presim që inflacioni të ulet ndjeshëm në gjysmën e dytë të vitit 2019 për shkak të kombinimit të efekteve bazë dhe ngadalësimit ekonomik” -tha Nora Neuteboom, ekonomiste në ABN Amro, duke shtuar se pret që norma e parë të ulet me 1.25 pikë përqindje.
Burimi:Reuters
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.