Polonia gjobit Gazprom. Ka dështuar të bashkëpunojë për Rrjedhën e Veriut 2. Kërkon 57 mln usd

Autoriteti i konkurrencës në Poloni deklaroi në nisje të Javës se ka gjobitur Gazprom me 57 milionë dollarë për mungesën e bashkëpunimit në lidhje me projektin e gazësjellësit Rrjedha e Veriut 2. Polonia e sheh projektin, që do dyfishojë eksportet e gazit rus nëpërmjet detit Baltik, si një kërcënim ndaj sigurisë energjetike të Europës, duke thënë se do theksojë mbizotërimin e Gazprom në treg.

Rrjedha e Veriut 2 drejtohet nga Gazprom, me gjysmën e financimit të ofruar nga Uniper dhe BASF të Gjermanisë, hollandezja Shell, austriakia OMV dhe firma franceze Engie.   Autoriteti i konkurrencës në Poloni ka vlerësuar projektin prej vitesh dhe në vitin 2019 gjobiti Engie me 40 milionë euro, pasi dështoi të ofrojë dokumenta dhe informacione në lidhje me çështjen.  “Në nisje të vitit, ne i kërkuan Gazprom që të ofrojë kontratat të përfunduara nga filial ii vetë me kompani të tjera që po financojnë ndërtimin e gazësjellësit.

Kompania dështoi të ofrojë informacion të tillë”, deklaroi autoriteti.  Presidenti rus, Vladimir Putin, dhe Gazprom, kanë thënë se planifikojnë ta përfundojnë gazësjellësin. Mbi 90% e ndërtimit është kryer.  Gjiganti rus i energjisë, furnizon pjesën më të madhe të gazit që konsumohet në Poloni. Kompania shtetërore e gazit në Poloni është ankuar prej kohësh se paguan më shumë se homologët europian për gazin rus.  Në Korrik, Gazprom i pagoi 1.6 miliardë dollarë kompanisë polake, pasi fitoi një konflikt në lidhje me vendosjen e çmimit.

Klevis Llaha / SCAN 

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.