Popullsia kineze do bjerë pas 2023 – Më pak gra në moshë fertiliteti. Ndikon politika me një fëmijë
Vendi me popullsinë më të madhe në botë mund të arrijë në një ndalesë pas 4 vitesh. Popullsia e Kinës pritet të arrijë majën në vitin 2023, sipas një studimi të Global Demographics.
Qeveria kineze kishte vlerësuar më parë se vendi do të arrinte përmasën maksimale të popullsisë në vitin 2029, pra 6 vite më vonë. Sipas raportit, numri i grave në moshë fertiliteti në Kinë, nga 15-49 vjeç, pritet të bjerë nga 346 milionë në vitin 2018, në 318 milionë në 2023-shin.
Me më pak gra në këtë moshë dhe më pak lindje për 1,000 gra, numri total i lindjeve pritet të bjerë. Studimi parashikon se do të ketë 13.3 milionë lindje në vitin 2023, nga 15.2 milionë në vitin 2018.
Kina nisi të heqë dorë nga politika me një fëmijë më fund të 2013-ës. Pavarësisht se kjo dha një nxitje fillestare të lindjeve, efekti është zbehur.
Numri i lindjeve për 1,000 gra u rrit ndjeshëm nga 45.6 në vitin 2015, në 49.9 në 2016-ën, që ishte viti ku të gjithë çiftet kineze u lejuan që të kenë më shumë se 2 fëmijë. Megjithatë, në vitin 2018, shifra ra në mënyrë drastike në 43.9, apo me 12% nga viti i mëparshëm.
Sipas analistëve, Kina e ka stabilizuar me sukses popullsinë, por vonesa e heqjes së politikave me një fëmijë, ka lënë pa gra në moshë të fertilitetit. Rënia e popullsisë në Kinë pritet të ndikojë negativisht disa biznese.
Në veçanti, industritë që janë përgatitur për t’i bërë ballë rritjes së kërkesës, pritet të pësojnë goditje. Kompanitë që prodhojnë produkte të fëmijëve do të kenë ndikim të menjëhershëm.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.