Portugalia në “bum” turizmi – Po përballet me fluks më të madh se kapaciteti
Bumi i turizmit në Portugali ka bërë që kjo industri të kthehet në një prej kontribuuesve kryesorë në ekonominë e vendit si dhe në punëdhënësin më të madh në vend, me të paktën 1 milionë vende pune.
Turizmi në Portugali ka qenë gjithmonë i famshëm, por me krizën ekonomike që goditi vendin duke e çuar në prag falimenti rreth 6 vite më parë, qeveria identifikoi pikërisht këtë sektor si motorrin e rritjes.
Aktualisht, Portugalia është një ndër 5 vendet më të vizituara në Europë. Vendi ka përfituar gjithashtu edhe nga fakti se është kursyer nga sulmet terroriste, si pak vende të tjera në kontinentin e vjetër.
Madje, vendi tashmë po përballet me atë që njihet si mbiturizëm, pra numrin mjaft të lartë të turistëve në destinacione të caktuara, mbi kapacitetet reale. Një shembull në Europë i këtij fenomeni është pikërisht Barcelona.
Këshilli Botëror i Turizmit rekomandon ndërtimin e një aeroporti të dytë dhe investime të tjera në infrastrukturë në mënyrë që Portugalia mos të gjendet e mbërthyer nga ky fenomen.
Gjatë 2017-ës, vendin e vizituan 12.7 milionë turistë të huaj, ose 12% më shumë se viti paraardhës. Kontributi i përgjithshëm i turizmit në ekonomi prek normën e 17.3% të PBB, pse 33.5 miliard euro. Pritet të arrijë në 20.5% të PBB këtë vit.
Roel Korkuti/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.