Portugalia rivendos masa kufizuese – Vendi me normë të vaksinimit në 87%, regjistron rritje të rasteve
Portugalia, që ka një nga normat më të larta në botë të vaksinimit kundër Covid-19, lajmëroi se do të rivendosë kufizime për të ndaluar rritjen e rasteve, duke urdhëruar të gjithë pasagjerët që udhëtojnë drejt vendit që të tregojnë një test negativ, sipas Kryeministrit Antonio Costa. Portugalia raportoi 3,773 raste të reja në 24 orët e fundit, që është shifra më e lartë ditore në 4 muaj. Megjithatë, vdekjet qëndrojnë poshtë niveleve të Janarit, kur vendi përballej me betejën më të fortë ndaj Covid-19. Rreth 87% e popullsië së Portugalisë prej mbi 10 milionë është vaksinuar plotësisht kundër koronavirusit dhe vaksinimi i shpejtë është mirërpritur gjerësisht.
Kjo bëri që vendi të heqë pjesën më të madhe të kufizimeve të pandemisë. Megjithatë, ndërkohë që një valë tjetër e pandemisë ka pushtuar Europën, qeveri rivendosi disa masa për të limituar përhapjen e virusit gjatë sezonit të pushimeve. Masat do të hyjë në fyqi më datë 1 Dhjetor. Kryeministri tha se linjat ajrore do të gjobiten me 20,000 euro për pasagjerë nëse transportojnë ndonjë që nuk ka test të Covid-19, përfshirë ata që janë vaksinuar plotësisht. Pasagjerët mund të bëjnë një test PCR apo një test të shpejtë, 72 orë apo 48 orë respektivisht përpara nisjes.
Costa lajmëroi gjithashtu se ata që janë vaksinuar plotësisht duhet të paraqesin gjithashtu prova të një testi negativ të koroanvirusit për të hyrë në klube, bare, evente të mëdha apo shtëpi të kujdesit. Sipas tij, certifikata dixhitale e BE do kërkohet për të qëndruar në hotele, shkuar në palestra apo ngrënë në restorante. Puna në distancë, që është e rekomanduar, do të bëhet e detyrueshme në javën e parë të Janarit dhe studentët do kthehen në shkolla 1 javë më vonë se zakonisht. Costa tha se Portugalia duhet të vazhdojë të mbajë shpresat te vaksinimi për të kontrolluar pandeminë. Autoritetet shëndetësore shpresojnë të japin doza nxitëse tek 25% e popullsisë deri në fund të Janarit.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.