Posta Shqiptare sjell shërbimin e ri ‘e-Wallet’ – Shmangen radhët duke paguar çdo shërbim nga aplikacioni i parasë dixhitale

Kryeministri i vendit Edi Rama ka vizituar një nga qendrat e Postës Shqiptare në Elbasan ku së fundmi është futur në program një shërbim i ri i quajtur “e-Wallet” ose paraja elektronike.

Rama ka shkruar se “e-Wallet është portofoli i ri elektronik i çdo qytetari, për të kryer të gjitha shërbimet postare nga celulari i vet, pa pasur më asnjë nevojë për të harxhuar kohë, nerva e deri edhe lekë për rryshfet, nëpër radhat e labirinthet e burokracisë.”

Drejtori i Postës Shqiptare Laert Duraj, gjatë linçimit të shërbimit ka thënë se: Shpresojmë që dhe me ‘e-Wallet’ një pjesë e qytetarëve që paguajnë utilitetet në Postën Shqiptare tashmë të shmangin rradhët, të mbushin portofolin një herë të vetme dhe pastaj mjafton aplikacioni nëpërmjet parasë elektronike të kryej çdo lloj pagese të ndryshme, jo vetëm për utilitetet por edhe për shërbimet e tjera që Posta Shqiptare ofron.”

Shërbimet që paguhen nga e-Wallet përfshijnë pagesat në OSHEE, gjoba, dogana, tatimet, ujësjellës kanalizime, ku në total shkojnë në rreth 36 shërbime përfshirë edhe ato që kryheshin në sportele.

Gjithashtu nëpërmjet e-Wallet mund të transferohen para nëpërmjet llogarisë së aplikacionit, brenda për brenda vendit, dhe këto para mund të tërhiqen cash nëse i duhen. Hapja dhe mirëmbajtja e llogarisë nuk ka komision.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.