Powell, favorit për t’u riemëruar në krye të FED – Por, mundësitë e tij bien në 76%, nga 90% që ishin në shtator
Jerome Powell mund të jetë favorit për t’u riemëruar në krye të Rezervës Federale, por disa investitorë po vlerësojnë edhe mundësinë e ndonjë surprize. Besimi te Powell ka rënë në kohët e fundit, sidomos pas kritikave mbi performancën e tij nga demokratët progresistë dhe pas një skandali mbi tregtinë, që përfshiu disa zyrtarë të Rezervës Federale.
Faqja online e basteve, PredictIt, tashmë i jep Powell 76% shanse se do të rikonfirmohet nga senati amerikan, nga 90% që vlerësohej në 12 shtator. Në anën tjetër, mundësitë që Guvernatorja e Rezervës Federale, Lael Brainard, të jetë në krye të institucionit janë rritur në 18% nga 6% që ishin në shtator. Brainard, e cila ishte emëruar në bordin e FED nga ish-presidenti Barack Obama në vitin 2014, shihet si më e fortë se Powell, pjesërish për shkak të mbështetjes ndaj politikave monetare super lehtësuese, derisa të ketë më shumë progres në tregun e punës.
Powell, një republikan, ka bërë më shumë se çdo kryetar tjetër për të kultivuar marrëdhëniet me Capitol Hill, duke u takuar rregullisht me anëtarët e dy partive. Gjithsesi, shumica e analistëve besojnë se, Powell do të ketë mbështetjen e shumicës, pavarësisht se mund të mos marrë mbështetjen e të gjithë republikanëve.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.