PPP, Ahmetaj: Pagesat vjetore neto s’duhet të kalojnë kufirin 5% të të ardhurave tatimore të vitit paraardhës. Kur merren masa korrektuese

Ministri i Financave i pranishëm në Komisionin e Ekonomisë ka folur për Partneritetet Publike Private, ku deklaroi se është hera e parë  që një qeveri merr një masë që është vetëkufizuese dhe ku detyrohet të jetë transparente ndaj Kuvendit.

“Sa i takon transparencës dhe kontrollit fiskal është një hap i rëndësishëm, i cili vendos një disiplinë të pa negociueshme për mbajtjen nën kontroll të ngarkesës fiskale që PPP i transferojnë buxhetit te shtetit, qofte mes atyre që i referohen pagesave vjetore, qofte edhe risqeve indirekte”, shprehet Ahmetaj.

Në vijim të fjalës së tij, ministri foli edhe për ndryshimet në ligjin organik të buxhetit, ku u shpreh se është futur një pikë shumë të rëndësishme.

“Ne në ligjin organik të buxhetit kemi futur një pikë të rëndësishme ku i referohemi 5 % të të ardhurave tatimore që do të inkludohen brenda llogarisë te investimeve publike. Në nenin 4.2, parime dhe rregullat fiskale, shuma e përgjithshme e pagesave vjetore neto që kryhen nga njësitë e qeverisjes së përgjithshme, të cilat rezultojnë me kontrata koncesionare apo PPP si rregull nuk duhet te tejkalojnë kufirin 5 për qind të të ardhurave tatimore faktike të vitit paraardhës buxhetor. Në raste të tejkalimit të këtij kufiri, Këshilli i Ministrave merr masa korrektuese ne krahun e te ardhurave buxhetore te nevojshme dhe te mjaftueshme, për t’u rikthyer brenda kufirit të lejuar, gjate dy viteve të ardhshme buxhetore”, shprehet Ahemtaj.

os.de/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.