Pranvera “vonon” të vijë – Dëbora dhe ngricat ja lënë vendin reshjeve dhe shtrëngatave

Dëbora dhe ngricat do t’ia lënë vendin reshjeve të shiut dhe shtrëngatave. Referuar parashikimit të motit nga METEO, ditën e Premte në qarqet e veriut priten reshje intensive deri shumë intensive, të shoqëruara edhe me shtrëngata, ndërsa në qarqet e tjera do to ketë reshje të dobëta deri mesatare.

Pritet prania e reshjeve në formë dëbore në 500 m mbi nivelin e detit, ndërsa në Veri-Lindje në zona të kufizuara edhe më poshtë se ky nivel. Të Premten temperaturat minimale dhe maksimale të ajrit pritet të arrijnë: në bregdet: 7 / 15 °C në vendet e ulëta: 7 / 12 °C në vendet malore: 1 / 9 °C.  pritet të fryjë e lehtë deri mesatare.

Nga llogaritjet hidrologjike të IGJEUM-it, rezulton se lumenjtë në të gjithë territorin do të kenë prurje të qëndrueshme gjatë ditës së Premte dhe ditët në vazhdim tendenca e prurjeve do të jetë drejt rritjes në të gjithë territorin. Kjo për shkak të kombinimit të shkrirjes së dëborës si pasojë e rritjes së temperaturave dhe reshjeve të pritshme.

Probleme mund të shfaqen në qarqet Tiranë, Durrës dhe Lezhë, por edhe në zonat urbane. Rritje të shpejtë të prurjeve do të ketë edhe në Lumenjtë Mat dhe Ishëm. Baseni Drin dhe Buna, do ketë rritje të prurjeve, por vlerësimi për rrezikun në këtë basen do të llogaritet në bazë të shkarkimeve të mundshme nga kaskada e Lumit Drin.

Elisabeta Dosku/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.