Predhat ruse, shumë pranë terriorit të NATOs – Bombardohet njësia ushtarake në kufi me Poloninë,  35 raportohen të vdekur

Një sulm rus me predha ndaj një njësie ushtarake të Ukrainës, pranë kufirit me vendin anëtarë të NATOs,  Poloninë,  la 9 persona të vdekur ditën e Diel dhe plagosi 57, sipas zyrtarëve ukrainas. Autoritetet deklaruan se instruktorë të huaj ushtarakë kanë punuar më parë tek baza dhe se nuk është e ditur nëse ka qenë ndonjë në momentin e sulmit.

Lideri rajonal, Maksym Kozytsky tha se avionët rusë kanë lëshuar 30 raketa tek Qendra Ndërkombëtare për Ruajtjen e Paqes dhe Sigurisë në Yavoriv, duke shtuar se disa prej tyre u ndërpritën në ajër.

Njësia ushtarake me një sipërfaqe prej 360 km katrorë, në më pak se 25 km larg kufirit me Poloninë, është më e madhja e Ukrainës.

Nëntëmbëdhjetë amublanca me sirena të ndezura janë parë nga Reuters duke i’u drejtuar njësisë Yaroviv, pasi sulmit dhe tym i zi doli nga zona.

“Rusia ka sulmuar qendrën Ndërkombëtare për Ruajtjen e Paqes dhe Sigurisë në Lviv. Insruktorë të huaj punojnë atje. Informacioni mbi viktimat është ende i paqartë”- tha ministri i mbrojtjtes në Ukrainë, Oleksii Reznikov.

Përfaqësues të ministrisë së mbrojtjtes thanë për Reuters se ministria po përpiqet të përcaktojë nëse një instruktor i huaj ndodhej në qendër gjatë momentit të sulmit.

Ukraina i ka zhvilluar shumicën e stërvitjeve ushtarake me vendet e NATOs atje përpara se të niste lufta. Ushtrimi më i madh ishte në muajin Shtator.

Në javët përpara 24 Shkurtit, kur Rusia sulmoi vendin, ushtria ukrainase po trajnohej tek njësia ushtarake, por sipas mediave vendase, të gjithë instruktorët e huaj ishin larguar në mes të SHkurtit, duke lënë të gjithë pajisjet.

Kryebashkiaku i një tejtër qyteti në perëndim të ukrainës, Ivano-Frankivist, tha se trupat rusë kanë vazhduar të godasin aeroportin, pa raportime fillestarte të vdekjeve.

Në lindje, trupat rus po përpiqen të rethojnë forcat e Ukrainës, ndërkohë që avancojnë nga Kharkivi në Veri dhe Mariupol në Jug, sipas ministrisë së Mbrojtjes në Britani.

Sirenat e sulmeve ajrore zgjuan banorët e Kievit të Dielin në mënjges, pak orë pasi presidenti Volodymyr Zelenskiy, paralajmëroi forcat ruse se do të përballen me luftë deri në vdekje, nëse përpiqen të pushtojnë kryeqytetin.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.