Preferencat e arsimit, në Shqipëri kryeson biznesi e ligji! Te zgjedhja e dytë, femrat duan degët sociale e shëndetësore, meshkujt inxhinieritë

Gjatë vitit të kaluar, numri i studentëve të diplomuar në arsimin e lartë është rritur me 38,0 % krahasuar me vitin 2011. Të diplomuarit në “Bachelor” përbëjnë 59,0 % e studentëve të diplomuar të vitit 2016.

Referuar raportit “Shqipëria në shifra” të INSTAT, rezulton se numri më i madh i studentëve, 28,0 % e tyre, kanë zgjedhur të studiojnë administrim biznesi dhe ligj. Nga ana tjetër, fushë më pak e preferuar është ajo e shërbimeve e përzgjedhur nga 2,1 % e studentëve.

Zgjedhjet e fushave të studimit janë të ndryshme nëse e shohim nga pikpamja gjinore. Përveç fushës së biznesit, administrimit dhe ligjit të cilën e kanë zgjedhur njëlloj si femrat edhe meshkujt dhe në përqindjen më të madhe, femrat preferencë të dytë kanë fushën e shëndetit dhe mirëqenies, ndërsa meshkujt fushën e inxhinierive.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.