Presidenca e Komisionit Europian – Salvini, një kandidaturë e mundshme në zgjedhjet e ardhshme?!

Zëvendëskryeministri italian, Matteo Salvini, mund të jetë një kandidaturë e mundshme për presidencën e Komisionit Europian, raporton Reuters. Deklarata ka ardhur nga Lideri i Ligës, i cili është shprehur në një intervistë për La Republicca se mund të marrë në konsideratë kandidimin për këtë post në zgjedhjet e ardhshme.

“Është e vërtetë, miq nga disa vende europiane më kërkojnë mua. Maji është ende larg, do të shohim, do të mendoj për këtë”, u shpreh zëvendëskryeministri italian.

Zgjedhjet e ardhshme për presidencën e Komisionit Europian do të zhvillohen në 23-26 maj 2019.

G.D/SCAN

.

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.