Presidenca estoneze e Bashkimit Europian- Cilat janë 4 prioritetet e vendit të vogël që mori mandatin e parë si rrjedhojë e Brexit?
Nga 1 korriku, Estonia ka marrë presidencën e radhës së Bashkimit Europian. Motoja e Presidencës Estoneze të Këshillit të Bashkimit Europian është “Unitet nëpëmjet ekuilibrit” dhe në këtë kuadër ka shpallur edhe 4 prioritete, mes të cilave është edhe ai për një ekonomi europiane të hapur dhe inovative. Estonia e ka marrë 6 muaj më herët mandatin për drejtimin e BE-së, për shkak të daljes së Britanisë nga unioni.
Katër prioritetet e Presidencës Estoneze janë:
- Një ekonomi europiane e hapur dhe inovative
Një ekonomi europiane e hapur dhe inovative nënkupton zhvillimin e një mjedisi biznesi që mbështet rritjen dhe konkurrencën e bazuar në njohuri.
Për këtë qëllim, Presidenca estoneze do të përqendrohet në:
- mbrojtjen dhe promovimin e katër lirive të BE-së – lëvizjen e lirë të mallrave, personave, shërbimeve dhe kapitalit
- sigurimin e shërbimeve të ofruara dhe që fillimi i një biznesi në BE të jetë sa më lehtësisht i mundshëm dhe që negociatat tregtare të përparojnë
- krijimin e mundësive të reja të financimit për kompanitë dhe sigurimin e një sektori bankar të qëndrueshëm
- krijimin e një tregu të qëndrueshëm dhe funksional të energjisë elektrike dhe fuqizimin e konsumatorëve
- sigurimin e konkurrencës së ndershme duke parandaluar evazionin fiskal
- Një Europë e mbrojtur dhe e sigurtë
Vetëm duke vepruar së bashku dhe duke ruajtur unitetin e saj në skenën globale, BE-ja mund t’i mbajë qytetarët e saj të sigurt dhe të promovojë paqen, prosperitetin dhe stabilitetin.
Për këtë qëllim, Presidenca estoneze do të përqendrohet në:
- forcimin e luftës kundër terrorizmit dhe krimit të organizuar, forcimin e sigurisë së brendshme, si dhe mbrojtjen e kufijve të jashtëm të BE-së duke përmirësuar bashkëpunimin dhe duke përdorur sistemet e fundit të informacionit
- vazhdimin e punës për menaxhimin e krizës së migracionit dhe reformimin e Sistemit të Përbashkët Europian të Azilit
- mbështetjen dhe forcimin e marrëdhënieve me vendet e Partneritetit Lindor
- një rritje në shpenzimet e mbrojtjes, zhvillimin e bashkëpunimit europian të mbrojtjes dhe partneritetin BE-NATO
- Një Europë digjitale dhe lëvizja e lirë e të dhënave
Europa duhet të shfrytëzojë përfitimet e progresit teknologjik që po sjell ndryshime të vazhdueshme për qytetarët, bizneset dhe qeveritë.
Për këtë qëllim, Presidenca estoneze do të përqendrohet në:
- zhvillimin e e-tregtisë dhe e-shërbimeve ndërkufitare për të mirën e konsumatorëve, prodhuesve dhe bizneseve
- sigurimin e komunikimeve elektronike moderne dhe të sigurta në dispozicion kudo në të gjithë Evropën, si dhe krijimin e një ambjenti të favorshëm për shërbime të reja inovative
- avancimin e shërbimeve publike dixhitale ndërkufitare për të lehtësuar jetën e përditshme
- Një Europë gjithëpërfshirëse dhe e qëndrueshme
Një Europë gjithëpërfshirëse dhe e qëndrueshme mbështet mundësitë e barabarta për arsimim cilësor, punësim, akses në shërbime dhe zhvillimin e aftësive. Një Europë e qëndrueshme kujdeset dhe është e angazhuar për të krijuar një mjedis më të pastër.
Për këtë qëllim, Presidenca estoneze do të përqendrohet në:
- modernizimin e rregullave për të nxitur lëvizjen e krahut të punës dhe lëvizjen e lirë të personave
- sigurimin e mundësive të barabarta në tregun e punës dhe përfshirjen sociale
- sigurimin e një mjedisi më të qëndrueshëm
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.