Presidenti ardhshëm i KE? – Manfred Weber, favorit për të marrë postin e Juncker
Koalicioni më i madh i partive të qendrës së djathtë në Europë (EPP) ka zgjedhur Manfred Weber si kandidatin kryesor për të zëvendësuar Jean-Claude Juncker në zgjedhjet e vitit të ardhshëm. Kjo i jep atij një pozitë të fortë për t’u bërë president i ardhshëm i Komisionit Europian.
Weber, një anëtar 46-vjeçar i Parlamentit Europian, është pak i njohur jashtë Brukselit, por doli si fitues nga gara për të zgjedhur të parin e Partisë Popullore Europiane për votimin e vitit të ardhshëm. Sipas FT, gjermani mundi Alex Stubbin, një ish kryeministër finlandez, në një votim të kongresit qeverisës të PPE në Helsinki, pasi fitoi përkrahje vendimtare nga shumë liderë të partive kombëtare dhe drejton një fushatë rreth mburojës së modelit social të bllokut nga trazirat gjeopolitike, krijimin e vendeve të punës , dhe mbajtjen e vlerave të krishtera.
EPP është grupi më i fuqishëm në hartimin e politikave europiane, duke bashkuar partitë kryesore, përfshirë CDU e Angela Merkel dhe Les Républicains të Francës. Weber fitoi afër 80 për qind të votave, duke siguruar 492 vota nga delegatët e EPP-së nga 619 gjithsej.
e.t/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.